आनंदयात्रा : ग.वा.बेहेरे

तुम्ही जगावेगळे एकदा वागलात अन जगाचे नियम एकदा का तुमच्या हातून मोडले गेले की सदासर्वकाळ तुमचे मूल्यमापन त्याच सुरात होऊ लागते. तुमच्याबद्दल अनेक दंतकथा जन्म पावू लागतात. ज्यांना मोहाची संधीच कधी मिळाली नाही किंवा ज्यांच्यावर कोणी मोहीत होण्याची शक्यताच नाही अशी माणसे स्वतःला चारित्र्यवान समजून दुस-यांचा पंचनामा करीत राहतात.

करे तेर तो एक विकृत आनंद असतो. थोडा मत्सराचा, थोडा कर्तृत्वशुन्यतेचा ! मोहाला काही कोणी निमंत्रण धाडीत नाही.ते टाळता आले तर उत्तमच! परंतु ज्यांच्या आयुष्यात मोहाचे प्रसंगच नाहीत, त्यांना माणसे मोहवश का होतात हे कसे कळणार? आणि प्रत्येक मोहाची किंमत द्यावी लागते हे कळल्यानंतर मोह जेवढे सुख आणतात.

तेवढे दुःखही आणतात हे कळले तर जमिनीवरून चालणा-या या माणसांना मनातल्या मनात बरे वाटेल.